ຄວາມເພິ່ງພໍໃຈຂອງນັກສຶກສາໃນການໄດ້ຮັບການບໍລິການຈາກມະຫາວິທະຍາໄລແຫ່ງຊາດ (ວິທະຍາເຂດດົງໂດກ)

Student satisfaction in receiving services from the National University of Laos (Dong Dok Campus)

Abstract

                                                                                                        
ການສຶກສາເລື່ອງ “ຄວາມເພິ່ງພໍໃຈຂອງນັກ ສຶກສາໃນການໄດ້ຮັບການບໍລິການຈາກມະຫາວິທະ ຍາໄລແຫ່ງຊາດ” ຜ່ານການເກັບຮວບຮວມຂໍ້ມູນໂດຍໃຊ້ແບບສອບຖາມແຈກຢາຍດ້ວຍຮູບແບບອອນລາຍ ໃຫ້ແກ່ນັກສຶກສາ ທີ່ກຳລັງສຶກສາຢູ່ມະຫາວິທະ ຍາໄລແຫ່ງຊາດ (ວິທະຍາເຂດດົງໂດກ) ທັງໝົດມີ 5 ຄະນະວິຊາ, ໄດ້ມີນັກສຶກສາຮ່ວມຕອບແບບສອບຖາມ ຈໍານວນ 905 ຄົນ, ໂດຍໃຊ້ໂປຣແກຣມ SPSS ຄິດໄລ່ຫາຄ່າຄວາມຖີ່, ຄ່າສ່ວນຮ້ອຍ, ຄ່າສະເລ່ຍ ແລະ ຄ່າຜັນປ່ຽນມາດຕະຖານ, ຜົນການຄົ້ນຄວ້າພົບວ່າ: ນັກສຶກສາມະຫາວິທະຍາໄລແຫ່ງຊາດທີ່ມີສ່ວນຮ່ວມໃນການຕອບແບບສອບຖາມສ່ວນຫຼາຍແມ່ນເປັນເພດຊາຍ ຈຳນວນ 593 ຄົນ ກວມເອົາ 65.5 ສ່ວນຮ້ອຍ, ສ່ວນຫຼາຍແມ່ນຮຽນຢູ່ລະບົບປົກກະຕິ ຈຳ ນວນ 863 ຄົນ ກວມເອົາ 95.4 ສ່ວນຮ້ອຍ, ນັກສຶກສາສ່ວນຫຼາຍແມ່ນຄະນະອັກສອນສາດ ມີຈຳນວນ 525 ຄົນ ກວມເອົາ 58.0 ສ່ວນຮ້ອຍ, ກຳລັງສຶກສາຢູ່ຊັ້ນປີ 2 ຈໍານວນ 337 ຄົນ ກວມເອົາ 37.2 ສ່ວນຮ້ອຍ.
ລະດັບຄວາມເພິ່ງພໍໃຈຂອງນັກສຶກສາໃນການໄດ້ຮັບການບໍລິການຈາກມະຫາວິທະຍາໄລແຫ່ງຊາດ ທຸກດ້ານແມ່ນມີຄວາມເພິ່ງພໍໃຈໃນລະດັບຫຼາຍ ເຊິ່ງດ້ານທີ່ມີຄວາມເພິ່ງໃຈຫຼາຍກວ່າໝູ່ແມ່ນດ້ານ ກິດຈະ ການນັກສຶກສາ ມີຄ່າສະເລ່ຍເທົ່າກັບ 3.86, ຮອງລົງມາແມ່ນ ດ້ານອາຄານສະຖານທີ່ ມີຄ່າສະເລ່ຍເທົ່າກັບ 3.68 ແລະ ດ້ານວິຊາການ ມີຄ່າສະເລ່ຍເທົ່າກັບ 3.60.