ປະເມິນລະດັບຄ່ານິຍົມຂອງນັກຮຽນມັດທະຍົມປີທີ 7 ໃນສປປ ລາວ ທີ່ເລືອກຮຽນສາຂາວິຊາຄູ ໃນຄະນະສຶກສາສາດ ມະຫາວິທະຍາໄລແຫ່ງຊາດ

The Evaluation Level on Values of Upper Secondary School Students in Laos Towards Selection of Faculty Education University

Abstract

ການຄົ້ນຄວ້າ ມີຈຸດປະສົງ  1) ເພື່ອປະເມິນລະດັບຄ່ານິຍົມຂອງນັກຮຽນມັດທະຍົມປີທີ7  ໃນສປປ ລາວ ທີ່ເລືອກຮຽນສາຂາວິຊາໃນຄະນະສຶກສາສາດ ມະຫາວິທະຍາໄລແຫ່ງຊາດ. 2) ເພື່ອຢາກຮູ້ຄ່ານິຍົມຂອງນັກຮຽນມັດທະຍົມປີທີ 7 ທີ່ບໍ່ເລືອກຮຽນສາຂາວິຊາຄູ່ ໄປເລືອກຮຽນສາຂາວິຊາໃດ. 3) ແນວທາງໃນການພັດທະນາອາຊີບຄູໃນສະຖານການສຶກສາຄູ ສປປ ລາວ. ເປັນການສຶກສາແບບປະລິມານ ແລະ ຄຸນນະພາບ, ກຸ່ມຕົວຢ່າງ ແມ່ນນັກຮຽນ 378 ຄົນ ແລະ ສໍາພາດຜູ້ບໍລິຫານ 40 ທ່ານ. ວິເຄາະຂໍ້ມູນດ້ວຍໂປຣແກຣມທາງຄອມພິວເຕີ. ຜົນການສຶກສາພົບວ່າ: 
ນັກຮຽນມີຄ່ານິຍົມໃນການເລືອກຮຽນເປັນຄູ 184 ຄົນ ຍິງ 91 ຄົນ. ມີຈໍານວນເທື່ອຂອງການເລືອກ ລວມເທົ່າກັບ 311 ເທື່ອຄົນ  ໃນນັ້ນຂໍ້ທີ່ເລືອກຫຼາຍກວ່າໝູ່ ຍ້ອນຕົນເອງມັກອາຊີບຄູ 35.69 %, ຮອງລົງມາ ຍ້ອນຄອບຄົວໃຫ້ເລືອກອາຊີບຄູ 26.04%, ຈົບວິຊາຄູສາມາດສະໝັກວຽກໄດ້ຫຼາຍອາຊີບ 11.89%,  ໝູ່ພາເລືອກອາຊີບຄູ 11.25%, ອາຊີບຄູເຮັດໃຫ້ຖານະເສດຖະກິດຂອງຕົນດີຂຶ້ນ 8.36%,  ແລະ ໜ້ອຍກວ່າໝູ່ແມ່ນອາຊີບຄູມີຊື່ສຽງທາງສັງຄົມ 6.75%. ເລືອກຮຽນເປັນຄູ ແຍກເປັນແຕ່ລະວິຊາ ມີຈໍານວນຄົນເລືອກ 619 ເທື່ອຄົນ. ໃນນັ້ນຂໍ້ທີ່ເລືອກຫຼາຍກວ່າໝູ່ແມ່ນຄູພາສາອັງກິດ 16.47 %, ຮອງລົງມາແມ່ນຄູຄະນິດສາດ 13.89%, ຟີຊິກສາດ ແລະ ບໍລິຫານການສຶກສາ 8.56%, ຄູວິທະຍາສາດການເມືອງ 7.59%, ຄູປະຫວັດ ສາດ 7.26%, ຄູພາສາລາວ-ຄູວັນນະຄະດີ 7.10%, ຄູພາສາຝຼັ່ງ 6.62%, ຄູຈິດຕະວິທະຍາ 6.30%, ຄູຊີວະສາດ 6.10%, ຄູເຄມີສາດ 5.97% ແລະ ຄູພູມສາດ 5.49%. ນັກຮຽນທີ່ບໍ່ມີຄ່ານິຍົມໃນການເລືອກຮຽນຄູ ແຕ່ເລືອກຮຽນສາຂາວິຊາອື່ນ ຈໍານວນ 194 ຄົນ ຍິງ 98 ຄົນ ມີຈໍານວນເທື່ອຄົນເລືອກ 380 ເທື່ອຄົນ  ໃນນັ້ນຂໍ້ທີ່ເລືອກຫຼາຍກວ່າໝູ່ແມ່ນຍ້ອນຕົນເອງບໍ່ມັກອາຊີບຄູ 32.63 %, ຮອງລົງມາຍ້ອນຕົນເອງຮຽນບໍ່ເກັ່ງ ມີ 29.47%, ຍ້ອນຢ້ານສອນບໍ່ໄດ້ 18.15%,  ຍ້ອນວ່າຄູມີວຽກຫຼາຍ ເຊັ່ນ: ແຕ່ງບົດສອນ, ຂຶ້ນຫ້ອງສອນ, ກວດຄະແນນ ແລະ ອື່ນໆ 9.47%, ຄອບຄົວບໍ່ໃຫ້ເລືອກຮຽນຄູ 6.31%, ອາຊີບຄູບໍ່ມີຊື່ສຽງທາງສັງຄົມ 2.63%  ແລະ ໝູ່ເພື່ອນບໍ່ພາເລືອກ 1.31%. ວິຊາທີ່ຕ້ອງການຢາກຮຽນ ມີຄົນເລືອກ ຈໍານວນ 240 ເທື່ອຄົນ  ໃນນັ້ນຂໍ້ທີ່ເລືອກຫຼາຍກວ່າໝູ່ແມ່ນເລືອກຮຽນໄອທີ 21.00 %, ຮອງລົງມາຕາມລໍາດັບແມ່ນເລືອກຮຽນເປັນທະຫານ  15.42%, ພາສາຈີນ ແລະ ຕໍາຫຼວດ 14.58%,  ພາສາອັງກິດ, ແພດ ແລະ ບໍລິຫານທຸລະກິດ 13.33%, ໄຟ້າ 11.66%, ການເງິນ-ການບັນຊີ ເທົ່າກັບ 10.41%,  ການຊ່າງສ້ອມແປງ ແລະ ກະສິກໍາ 7.91%, ສິນລະປະດົນຕີ, ພາສາເກົາຫຼີ, ກົດໝາຍ ແລະ ຕັດຫຍິບ 3.33%, ປຸງແຕ່ງ, ກະເສດ, ສະຖາປັດ, ພາສາຢີປຸ່ນ ແລະ ເທກໂນໂລຊີ 2.08%, ແລະ ພາສາຫວຽດນາມ, ຂັບລົດ, ການຄ້າ, ທ່ອງທ່ຽວ ແລະ ພັນທະແພດ 1.25%.  ແນວທາງໃນການພັດທະນາອາຊີບຄູໃນສະຖານການສຶກສາຄູ ສປປ ລາວແມ່ນ 1) ຫຼັກສູດແຕ່ລະສາຂາວິຊາໃຫ້ເພິ່ມຈໍານວນຊົ່ວໂມງວິຊາຄອມພິວເຕີ, ຄູສອນໃຫ້ມີການຝຶກອົບຮົມຫຼາຍຂຶ້ນຕື່ມ ແລະ ໄປຍົກລະດັບ ປ. ໂທ ແລະ ປ. ເອກ, 2) ການສອນຂອງຄູວິຊາຄະນິດສາດໃຫ້ຄົ້ນຄວ້າຫຼາຍ ຕື່ມ, 3) ໂຮງຮຽນທີ່ຢູ່ນອກເມືອງແມ່ນຍັງມີຄວາມຕ້ອງການເພິ່ມທຸກດ້ານ, ຂາດຄູສອນບາງວິຊາ, 4) ຄ່າຕອບແທນຕໍ່ອາຊີບຄູສໍາລັບເງິນເດືອນຄູແມ່ນໄດ້ທຸກໆເດືອນ ເຖິງຈະຊ້າກໍບໍ່ເກີນສອງເດືອນ ແລະ 5) ຊື່ສຽງທາງສັງຄົມເຫັນວ່າ ນັກຮຽນທີ່ເປັນສິດເກົ່າ, ນັກຮຽນທີ່ຍັງຮຽນຢູ່ ກໍໃຫ້ການເຄົາລົບເປັນຢ່າງດີ ແລະ ໃນວັນຄູແຫ່ງຊາດກໍມີການຈັດອວຍພອນທຸກປີ.