ປັດໄຈທີ່ມີຜົນຕໍ່ການເລືອກເຂົ້າຮຽນ ຄະນະບໍລິຫານທຸລະກິດ ມະຫາວິທະຍາໄລສະຫວັນນະເຂດ

Factors Affecting the Choice of Admission to the Faculty of Business Administration, Savannakhet University

Abstract

ປັດໄຈທີ່ມີຜົນຕໍ່ການເລືອກເຂົ້າຮຽນ ຄະນະບໍລິຫານທຸລະກິດ ມະຫາວິທະຍາໄລສະຫວັນນະເຂດ ເຊິ່ງມີຈຸດປະສົງໃນການສຶກສາຄື: ສຶກສາລະດັບການເລືອກຮຽນ ແລະ ປັດໄຈທີ່ມີຜົນຕໍ່ການເລືອກເຂົ້າຮຽນ, ມີກຸ່ມເປົ້ໝາຍແມ່ນເລືອກເອົານັກຮຽນມັດທະຍົມຕອນປາຍ ມ 7, ກຸ່ມຕົວຢ່າງທີ່ໃຊ້ໃນການສຶກສາ ຈໍານວນ 730 ຄົນ ໃຊ້ແບບສອບຖາມເປັນເຄື່ອງມືເກັບກໍາຂໍ້ມູນ, ເປັນການສຶກສາແບບປະລິມານ, ນໍາໃຊ້ສະຖິຕິເຂົ້າການວິເຄາະຄື: ຄ່າສະເລ່ຍ, ຄ່າຜັນປ່ຽນມາດຕະຖານ ແລະ ໃຊ້ແບບຈຳລອງ Logistic Regression Analysis. ຜົນການສຶກສາພົບວ່າ ນັກຮຽນຊັ້ນມັດທະຍົມຕອນປາຍ ມໍ 7 ສ່ວນຫຼາຍແມ່ນເພດຍິງ ຈໍານວນ 465 ຄົນ ກວມເອົາ 63.70%, ຊົນເຜົ່າລາວ ຈໍານວນ 598 ຄົນ ກວມເອົາ 81.92%, ອາໄສຢູ່ນະຄອນໄກສອນພົມວິຫານ ຈໍານວນ 636 ຄົນ ກວມເອົາ 87.12%, ຈໍານວນສະມາຊິກໃນຄົວເຮືອນ 4 ຄົນ ມີຈໍານວນ 234 ຄົວເຮືອນ ກວມເອົາ 32.05%, ດ້ານອາຊີບຂອງພໍ່ນັກຮຽນ ເປັນກໍາມະກອນ ຈໍານວນ 242 ຄົນ ກວມເອົາ 34.72%, ດ້ານອາຊີບຂອງແມ່ນັກຮຽນ ເປັນຄ້າຂາຍ ຈໍານວນ 292 ຄົນ ກວມເອົາ 40.33%, ນັກຮຽນຊັ້ນ ມໍ 7 ທີ່ເລືອກຈະເຂົ້າຮຽນຕໍ່ ມະຫາວິທະຍາໄລສະຫວັນນະເຂດ ຈໍານວນ 553 ຄົນ ກວມເອົາ 75.75%, ນັກຮຽນຊັ້ນມໍ 7 ທີ່ເລືອກຈະເຂົ້າຮຽນຕໍ່ ຄະນະບໍລິຫານທຸລະກິດ ຈໍານວນ 426 ຄົນ ກວມເອົາ 77.31%, ຜົນການວິເຄາະກ່ຽວກັບລະດັບການເລືອກຮຽນ ພົບວ່າດ້ານພາບພົດຂອງສະຖາບັນທີ່ນັກຮຽນເລືອກເຂົ້າຮຽນຂອງ ຢູ່ໃນລະດັບຫຼາຍ ມີຄ່າສະເລ່ຍ 3.82 ຄ່າຜັນປ່ຽນມາດຕະຖານ 0.61, ຮອງລົງມາແມ່ນ ດ້ານຖານະທາງສັງຄົມຂອງ ຢູ່ໃນລະດັບຫຼາຍ ມີຄ່າສະເລ່ຍ 3.76 ຄ່າຜັນປ່ຽນມາດຕະຖານ 0.54  ສໍາລັບປັດໄຈທີ່ມີຜົນຕໍ່ການເລືອກເຂົ້າຮຽນແມ່ນດ້ານຊົນເຜົ່າຂອງນັກຮຽນ, ດ້ານທີ່ຢູ່ອາໃສ, ດ້ານອາຊີບຂອງແມ່ ແລະ ດ້ານຊື່ສຽງຂອງສະຖາບັນ ດ້ວຍລະດັບຄວາມສໍາຄັນທາງດ້ານສະຖິຕິ 1%. ສະເໜີພາກສ່ວນທີ່ກ່ຽວຂ້ອງໄດ້ໃຫ້ຄວາມສໍາຄັນດ້ານຊົນເຜົ່າ, ທີ່ຢູ່ອາໄສ, ຂະ     ໜາດຄົວເຮືອນ ແລະ ອາຊີບຂອງແມ່ເປັນສໍາຄັນເພື່ອໃຫ້ນັກຮຽນໄດ້ເຂົ້າເຖິງການສຶກສາຊັ້ນສູງ.

ຄໍາສັບສໍາຄັນ: ນັກຮຽນ, ຄະນະບໍລິຫານທຸລະກິດ, ການເລືອກເຂົ້າຮຽນ.