ການສ້າງເກນທົດສອບສະມັດຖະພາບທາງກາຍຂອງນັກສຶກສາ (ຊາຍ) ຄະນະວິທະຍາສາດການກິລາ-ກາຍະກຳ, ມະຫາວິທະຍາໄລແຫ່ງຊາດ

Establishing physical fitness test criteria for male students in the Facculty of sport science and Physical education, National University of Laos

Abstract

ການຄົ້ນຄວ້າວິໄຈໃນຄັ້ງນີ້ ແມ່ນມີຈຸດປະສົງ ເພື່ອຄັດເລືອກບົດທົດສອບສະມັດຖະພາບທາງກາຍ ແລະ ສ້າງເກນການທົດສອບສະມັດຖະພາບທາງກາຍ ສຳລັບນັກສຶກສາ ຊາຍ ຄະນະວິທະຍາສາດການກິລາ-ກາຍະກຳ ມະຫາ ວິທະຍາໄລແຫ່ງຊາດ. ກຸ່ມຕົວຢ່າງທີ່ໃຊ້ໃນການສຶກສາໃນຄັ້ງນີ້ ແມ່ນນັກສຶກສາ ຊາຍ ຄະນະວິທະຍາສາດ ການກິລາ-ກາຍະຈຳນວນທັງໝົດ 110 ຄົນ. ໂດຍການສຸ່ມແບບສະເພາະເຈະຈົງ ຈາກນັກສຶກສາທັງໝົດໃນສົກ 2022-2023. ເຄື່ອງມືທີ່ໃຊ້ໃນຂະບວນການເກັບກຳຂໍ້ມູນປະກອບດ້ວຍແບບສອບຖາມ ແລະ ການທົດສອບເອົາສະຖິຕິ. ສະຖິຕິທີ່ໃຊ້ໃນການວິເຄາະຂໍ້ມູນປະກອບດ້ວຍ: ຄ່າສະເລ່ຍ, ຄ່າຜັນປ່ຽນມາດຕະຖານ,  ຄ່າຄວາມໜ້າເຊື່ອຖື.  ຜົນຂອງການຄົ້ນຄວ້າພົບວ່າ ການຄັດເລືອກບົດທົດສອບສະມັດຖະພາບທາງກາຍຂອງນັກສຶກ ຄະນະວິທະຍາສາດການກິລາ-ກາຍະກຳ ສາມາດຄັດເລືອກບົດທົດສອບ ຊາຍ ທັງໝົດ 07 ລາຍການ ມີຄວາມສໍາພັນກັນຢ່າງແໜ້ນແຟ້ນທີ່ມີ ຄ່າຂອງ R= 0.91 ຫາ 1. ເພາະແນວນັ້ນບົດທົດສອບທັງ 07 ລາຍການ ລ້ວນແລ້ວແຕ່ຮັບປະກັນຄວາມເຊື່ອໝັ້ນ ແລະ ສາມາດນຳໃຊ້ໄດ້. ຜົນຂອງການສ້າງເປັນເກນໃຫ້ຄະແນນ ໃນການສອບສະມັດຖະພາບທາງກາຍ ໃຫ້ກັບນັກສຶກສາ ຊາຍ ຄະນະວິທະຍາສາດການກິລາ-ກາຍະກຳ ມະຫາວິທະຍາໄລແຫ່ງຊາດໄດ້ ຕາມມາດຕະ ຖານການປະເມີນ 5 ລະດັບ (ເກັ່ງຫຼາຍ, ເກັ່ງ, ກາງ, ອ່ອນ ແລະ ອ່ອນຫຼາຍ) ແລະ ສາມາດເຮັດໃຫ້ການທົດສອບສະມັດຖະພາບພາບທາງກາຍຂອງນັກສຶກສາສະດວກຍິ່ງຂຶ້ນ.