ສຶກສາແຮງຈູງໃຈໃນການຕັດສິນໃຈເປັນຜູ້ປະກອບທຸລະກິດຈໍາໜ່າຍສິ້ນໄໝລາວຢູ່ຕະຫຼາດເຊົ້າ ນະຄອນຫຼວງວຽງຈັນ

A study of decision motivations to become a business operator selling Lao silk at the morning market

Abstract

ການສຶກສາເລື່ອງ ແຮງຈູງໃຈໃນການຕັດສິນໃຈເປັນຜູ້ປະກອບທຸລະກິດຈຳໜ່າຍ ສິ້ນໄໝລາວ ຢູ່ຕະຫຼາດເຊົ້າ ນະຄອນຫຼວງວຽງຈັນ” ທີ່ມີຈຸດປະສົງເພື່ອສຶກສາປັດໄຈແຮງຈູງໃຈທີ່ມີຜົນຕໍ່ການປະກອບທຸລະກິດ ໂດຍການສຶກສາຄັ້ງນີ້ ເປັນການສຶກສາແບບບປະລິມານເຊິ່ງສາມາດຮວບຮວມຂໍ້ມູນຈາກແບບສອບຖາມທີ່ຢາຍໃຫ້ບັນດາຜູ້ປະກອບທຸລະກິດຈຳໜ່າຍ ສິ້ນໄໝລາວ ຢູ່ຕະຫຼາດເຊົ້າ ເຊິ່ງສາມາດເກັບຮວບຮວມໄດ້ທັງໝົດ 157 ສະບັບແລະວິເຄາະຂໍ້ມູນໂດຍການນໍາໃຊ້ໂປຣແກຼມ SPSS.
ຜົນການສຶກສາຄັ້ງນີ້ພົບວ່າ: ຜູ້ຕອບແບບສອບຖາມທັງໝົດມີ 157 ຄົນ, ຜູ້ຕອບແບບສອບຖາມສ່ວນໃຫຍ່ແມ່ນຜູ້ປະກອບທຸລະກິດ ເພດຍິງ ກວມເອົາ 98.7 ສ່ວນຮ້ອຍ,  ມີອາຍຸລະຫວ່າງ 46 ປີຂຶ້ນໄປ ກວມເອົາ 40.1 ສ່ວນຮ້ອຍ, ຢູ່ໃນສະຖານະພາບ ແຕ່ງງານແລ້ວ ກວມເອົາ 82.9 ສ່ວນຮ້ອຍ, ສ່ວນຫຼາຍແມ່ນມີການສຶກສາລະດັບ ຊັ້ນກາງລົງມາ ກວມເອົາ 54.1 ສ່ວນຮ້ອຍ ແລະ ມີລາຍໄດ້ສະເລ່ຍຕໍ່ເດືອນ 5,000,0001-10,000,000 ກີບ ກວມເອົາ 22.9 ສ່ວນຮ້ອຍ. ຜູ້ປະກອບທຸລະກິດສ່ວນຫຼາຍດຳເນີນທຸລະກິດມາແລ້ວ 10 ປີຂຶ້ນໄປ ກວມເອົາ 41.4 ສ່ວນຮ້ອຍ ເຊິ່ງເຄີຍເຮັດທຸລະກິດອື່ນມາກ່ອນ ກວມເອົາ 56.1 ສ່ວນຮ້ອຍ ແລະ ມີສະມາຊິກໃນຄອບຄົວເຄີຍປະກອບທຸລະກິດຈໍາໜ່າຍສິ້ນກວມເອົາ 52.2 ສ່ວນຮ້ອຍ, ຜູ້ຕອບແບບສອບຖາມສ່ວນຫຼາຍແມ່ນໃຊ້ທຶນໂຕເອງໃນການເລີ່ມຕົ້ນປະກອບທຸລະກິດ ກວມເອົາ 47.1 ສ່ວນຮ້ອຍ ແລະ ປະກອບທຸລະກິດພຽງຜູ້ດຽວ ກວມເອົາ 72.0 ສ່ວນຮ້ອຍ, ໂດຍມີເງິນທຶນໃນການໝູນວຽນທຸລະກິດຢູ່ທີ່ 30-60 ລ້ານ ກວມເອົາ 52.2 ສ່ວນຮ້ອຍຂອງແລະຜູ້ປະກອບທຸລະກິດສ່ວນໃຫຍ່ແມ່ນໄດ້ຮັບຜົນກະທົບຈາກຄູ່ແຂ່ງ ກວມເອົາ 77.7 ສ່ວນຮ້ອຍຂອງກຸ່ມຕົວຢ່າງ.
ປັດໄຈແຮງຈູງໃຈທີ່ມີອິດທິພົນຕໍ່ການເປັນຜູ້ປະກອບການຂາຍສິ້ນໄໝ ຢູ່ຕະຫຼາດເຊົ້າ ຂອງຜູ້ປະກອບກິດຈະການພົບວ່າ: ຜູ້ປະກອບການໃຫ້ຄະແນນລະດັບແຮງຈູງໃຈຫຼາຍທີ່ສຸດແມ່ນ ປັດໄຈດ້ານຄວາມກ່ຽວຂ້ອງກັບຄອບຄົວ ເຊິ່ງມີຄ່າສະເລ່ຍລວມເທົ່າກັບ 4.53 ຮອງລົງມາແມ່ນ ປັດໄຈດ້ານສະຖານະພາບທາງສັງຄົມ, ປັດໄຈດ້ານຄວາມເປັນອິດສະຫຼະ ແລະ ອໍານາດ ແລະ ປັດໄຈດ້ານຄວາມເພິ່ງພໍໃຈສ່ວນບຸກຄົນ ຕໍ່ມາທ້າຍສຸດແມ່ນ ປັດໄຈດ້ານກຳໄລ ແລະ ຄວາມໝັ້ນຄົງ ເຊິ່ງມີຄ່າສະເລ່ຍເທົ່າກັບ 4.52, 3,86, 3.83, 3.75 ຕາມລໍາດັບ.